उमेश लामा : काठमाडौं, १६ मंसिर । नेपाली गीतसंगीतका चम्किलातारा सञ्जु लिम्बुको सुमुधुर स्वरमा सजिएको ‘हुक्सोदिङ सेवारो’ गीतको म्युजिक भिडियो छायांकन सम्पन्न भएकोे छ ।
अमेरिका निवासी गायिका सञ्जु लिम्बूले यसअघि पनि धेरै गीतहरुमा आफ्ना स्वर दिईसकेकी छिन् । यादन शेर्माको शब्द तथा संगीत रहेको ‘हुक्सोदिङ सेवारो’ बोलको गीतमा सञ्जु लिम्बुको सुमुधुर स्वर सुन्न सकिन्छ ।
हुक्सोदिङ सेवा एल्बममा समावेश ‘हुक्सोदिङ सेवारो’ गीतको भिडियोलाई पछिल्लो समयका व्यस्त युवा निर्देशक प्रेम लामाले निर्देशन गरेका छन् । भिडियोमा ज्ञानेन्द्र शर्माको सिनेम्याटोग्राफि, सन्तोष राजवाहकको कोरियोग्राफि रहेको छ ।उषा लिङदेन र दिनेश थापाको उत्कृष्ट अभिनयलाई देख्न सकिने भिडियोमा मुकेश सुहाङ निर्माताको रुपमा रहेका छन् ।
