यो दशैंको मुख छोपेर पुष्पा सुब्बाले नयाँ गीतका साथ बजारमा आएकी छिन् । दशैं र तिहारको समयमा लोग्ने मान्छे तास, जुवा र साथीभाईसंगको पिउने कार्यक्रममा व्यस्त भएर घरमा श्रीमतीलाई दिक्क बनाएका हुन्छन् । यही समयलाइृ उपयोग गर्दै बनाईएको यो नारीप्रधान गीतको भिडीयो भने अहिलेका व्यस्त निर्देशक विशाल भण्डारीले गरेका छन् ।
सधै झै विशालको यो भिडीयोमा हरि हुमागाईको छायांकन र सम्पादन निशान घिमिरेको रहेको छ । वेनिशा हमालको जिवन्त अभिनय रहेको यस भिडीयोमा नयाँ कलाकार भिमशेन कंडेललाई राम्ररी काम गराउन सफल भएका छन् निर्देशक भण्डारी ।
हरेक समय फरक फरक काम गर्ने विशालले भिडीयोमा लाईटिङको कमाल देखाउन र स्लो मोशनको लागि माहिर मानिन्छन् । तर यो पटक उनले यी सब नगरीकन एउटा साधारण सन्देश बोकेको साधारण भिडीयो बनाएर यो खालको भिडीयोमा पनि आॅफ्नो क्षमता देखाउन सफल भएका छन् । निर्देशक भण्डारीले अनलाईन रफ्तारसंग कुरा गर्दै यो भिडीयोले दशैं तिहारको माहोलमा महिला माझ चर्चित हुने विश्वास व्यक्त गरेका छन् ।
भिडीयो हेर्नुहोस्
